Ciwano kurd Halîm Dener 30ê hezîrana 1994î de hetê polîsê almanî ra amebi qetilkerdene. Dêsê AJZyî yê Bielefeldî de resimê ey amebi viraştene. Serekê Merkezê Ciwanan ê Karkeran-AJZ rê seba ke vera wedaritişê resimî bi dewa amebî akerdene.  

Roniştişê dewa Mehkemeya Bielefeldî de ame kerdene û dadgerî çarçewa huner û îfadeyê  fikran de bire daye ke serekê Meclîsî bêro veradayene. Dadgerî bire daye ke resimê Halîm Denerî 23 serrî yo û dês zî newe nîyo.

Wextê mehkeme de teber de çalakîyêke ameye kerdene. Aktîvîstanê YXK, JXK, TCŞ û JCA û endamanê AJZ, Antîaf, ALIBI, komê zanîngehê Cafe Exil û Antifa Ag zî nawnayîşêkê çimdarîya dewa serûber kerd.

Çalakîye de derheqê hêrişanê nîjadperestan ê polîsanê almanan, şîdet û tedaya polîsan a vera Têgêrayîşê Azadîye yê Kurdan û Halîme Denerî de zanayîşî ameyî dayene.