20 serran ra nata Ewropa de ciwanê kurdî seba azadîya Rayberê Şarê Kurdî Abdullah Ocalanî çalakîya 'Rayraşîyayîşê Dergî' kenê. Emser roja 5. ya Rayraşîyayîşê Dergî mabênê Luneburg-Winzen Luhe de qedîyaye.

Ciwanan vizêr serê sibayî Luneburgî ra dest pê rayraşîyayîş kerd û resayî Winzen Luhe.Ciwanî Winzen Luhe ra reyna agêrayî Luneburg û înan uca de rêxistinanê antîfaşîst û femînîstan reyde rayraşîyayîş kerd.

Rayraşîyayîşê ciwanan bi şîarê 'Pîya Serewedaritiş' yeno kerdene.

Ciwananê Antîfaşîstan ê Luneburgî û Yewîya 8ê Adare ya Femînîste bi pankartan paştî daye rayraşîyayîş.

Rayraşîyayîş de seba paştdayîşê Heftanînî sloganî ameyî vatene, hêrişê dewleta tirke ameyî protestokerdene.

Rayraşîyayîş saete 19:00 de warê kampe de qedîya. Ciwanan dima fîlm seyr kerd.

Roja 6. ya Rayraşîyayîşê Dergî mabênê Winsen Luhe-Hamburgî de do bêra kerdene.