Şaristanê Antwerpenî yê Belçîka de rojbîyayîşê Rayberê Şarê Kurdî Abdullah Ocalanî û serrgêra ronîyayîşê PJAKî ameyî fîrazkerdene.

Hemserekê PJAKî yo verên Sîyamend Muini û Endamê Konseya Rayberdişî ya KCKyî Zubeyîr Aydar zî tede xeylêk kesî tewrê şayîye bîyî. Şayîye de Endamê KJARî Mîryeme Fathî û sîyasetmedar M. . Emîn Pencewînîyî qisey kerd.

Qiseykerdişan de bale ameye antene tecrîdê vera Rayberê Şarê Kurdî Abdullah Ocalanî ser û hêrişê vera çepemenîya azade ameyî şermezarkerdene.

Qiseykerdoxan serrgêra ronîyayîşê PJAKî fîraz kerde û vera îşxalî seba xoverdayîşî veng da.

Şayîye de Necmeddîn Xulamî,  Hozan Dîno, Seyda Perînçek, Şehîn Talebanî û Koma Pel Muzîkî vejîyayî sehne ser.

Şayîye bi slogananê sey ''Bijî Serok Apo", "Jin, Jiyan, Azadî" qedîyaye.