Qezaya Tetwanî ya Bedlîsî de Serekê Cemîyetê Rojnamegeran ê Bedlîsî û rojnameger Sînan Aygul hetê pawitoxanê Şaredarê AKPyî û polîs Engîn Kaplanî ra amebi derbkerdene.

Komeleya Rojnamegeranê Kurdîstanî bi eşkerayîyêke hêrişê vera rojnameger Sînan Aygulî şermezar kerd. Eşkerayîye de ame parekerdene ke hêrişê vera Aygulî zehmetîyê ke Tirkîya de rojnamegerî ancenê, reyna eşkera kerdî. Eşkerayîye de wina ame vatene: ''Ganî hêriş û tedayê serê rojnamegeran biqedê, azadîya çapemenîye bêra xurtkerdene, seba rojnamegerîye warêko asayî bêro awankerdene.''