Roma de polîtîkaya vera koçberan ameye şermezarkerdene

Paytextê Îtalya Roma de komanê çepgîran û kurdan polîtîkaya Ewropa û rejîmê tirkî ya vera koçberan şermezar kerde.

Paytextê Îtalya Roma de komanê çepgîran û kurdan polîtîkaya Ewropa û rejîmê tirkî ya vera koçberan bi çalakîyêke şermezar kerde. Çalakîye şan ameye kerdene û bi desan kesî tewrê ci bibê.

Ramazan Guneşî nameyê Komîteya Kurdan ser o qisey kerd û îfade kerd ke dewleta tirke ya faşîste bi şer û îşxalan kurdî ca û wareyanê ci ra kerdî, heman rejîm nika zî koçberan sey hacetê gefî û şantajî xebitneno.

Guneşî vera hêzanê mîyanneteweyîyan nêrazîbîyayîşê xo mojna ke bi serran o vera qirkerdişan û îşxalanê Erdoganî bêveng ê û hemkarîya ci kenê.