Dawaya ke Zîndanê Stammheimî yê bajarê Stuttgartî yê Almanya de 5 kurdî yenê muhakemekerdene de dîmenê îşkenceyê ke prosesê xoîdarekerdişî de Sûr, Cizîre û Nisêbîn de hetê dewleta tirke ra ameyî kerdene, ameyî ramojnayene.
Dawaya ke Zîndanê Stammheimî yê bajarê Stuttgartî yê Almanya de 5 kurdê ke 3ê înan tepişte yenê muhakemekerdene dewam kena.
Dewa ya ke Veysel S., Agît K. û Ozkan T. bi hawayêkê tepişteyî û Cîhan A. û Evrîm A. zî bi hawayêkê veradîyayeyî yenê hukmkerdene, roniştişê înan ê 68. û 69. rojanê pancşeme û îneyî ame kerdene.
Roniştiş de waştişnameyê Veysel S.yî yê derheqê zext û qirkerdişê ke Tirkîya de vera kurdan benê de amebi teqdîmkerdene, ame cewabkerdene û tira qismê îşkenceyê ke prosesê xoîdarekerdişî de Sûr, Cizîre û Nisêbîn de hetê dewleta tirke ra ameyî kerdene, ame qebulkerdene.
Avûkatê Veysel S.yî Martîn Heimingî roja pancşemeyî vat: Şima têna dimenanê leşkeran ya zî hetê tirkî teqdîm kenê. Eke şima wazenê hukmkerdişêkê bêhet bikerî, ganî şima ca bide çîyê ke kurdî ciwîyayî zî. Îtîrazê Heimingî ame qebulkerdene.
îşkenceyê ke prosesê xoîdarekerdişî de Sûr, Cizîre û Nisêbîn de hetê dewleta tirke ra ameyî kerdene, ameyî ramojnayene. Reyna îşkenceyê ke wextê sereştişê bananê HDPyî de, û Nisêbîn de vera karkeran ameyî kerdene, ameyî ramojnayene.
Badê dîmenan avûkata Agît K.yî Fatma Sayin vat: Şima dîmenî dîyî. Kurdê ke Ewropa de yê semedê protestokerdişê nê îşkenceyan çalakîyan oraganîze kenê. Şima nê heqê meşruyî sûc hesibnenê û krîmînalîze kenê û 129byî ra hukm kenê. Roniştişo bîn 12-13ê teşrîna peyêne rê ame peyde eştene.
