Komeleya Keyeyanê Semedê Haştîye ya ke semedê paştdayîşê şarê kurdî hetê keyeyanê almanan ra ameya ronayene rojanê ravêrteyan de seba ke hêrişê dewleta tirke yê vera Rojawan û Başûrê Kurdîstanî bêrê vindarnayene SPDyî rê mektûb nuştbi.

Serekwezîrê Almanya Olaf Scholzî cewabê mektûbî da. Mektûb de nê ameyî vatene: “ Hêrişê vera Sûrîya û vakurê Iraqî çarçeweya huqûqê mîyanneteweyîyî de nîyê. Herême ke binê tesîrê hêrişan de mendî de semedê sîvîlan ma qisawet kenê û veng danê Tirkîya ke wa hêrişan vindarnê.“

Komeleya Keyeyanê Semedê Haştîye semedê cewabê Scholzî bi keyfweşîye xo ard ziwan û veng da hukmatê almanî ke wa wayîrê sozê xo vejîyê.