Komêka kurdîstanijan kerdişê vera endamê Têgêrayîşê Azadîye Îdrîs Selîm Mihemedî şermezar kerd ke hetê PDKyî ra ame tepiştene û rewşa ci ya weşîye baş nîya. Kurdîstanijan derheqê babete de dosyayêke teslîmê Rêxistina Efû yê Londonî kerde.
Endamê Têgêrayîşê Azadîye Îdrîs Selîm Mihemed Başûrê Kurdîstanî de 8ê gulana 2019î de hetê asayîşê PDKyî ra amebi destbendkerdene û dima amebi tepiştene. Seba Mihemedî verê bînaya Rêxistina Efû ya Londonî de çalakîyêka şermezarkerdişî ameye kerdene.
Komêka kurdîstanijan pare kerd ke Selîm Mihemed vînayîşanê xo ra sîyayî ra semed hetê PDKyî ra ame tepiştene û vat ke PDKyî Kurdîstan de sîstemêkê dîktatorîye awan kerd. Çalakîkeran ard ziwan ke rewşa weşîye ya Selîmî roje bi roje bena xirab û rewşa ci ser o dosyayêke pêşkêşê selahîyetdaranê Rêxistina Efû ya Londonî ameye kerdene. Selahîyetdaranê Rêxistina Efû da zaneyene ke dima ke cigêrayîş bêro kerdene ê do eşkerayîyêke bikerê.
