Seba aktîvîsta kurde Ciwana Sineya ke hetê hêzanê Îranî ra amebî remnayene Osloyê Norweçî de serkêşîya PJAK û KJARî de  verê Sersefîrîya Îranî de çalakîyêke ameye kerdene.

Komîteya Nowêçî ya KJARî çalakîye de eşkerayîyêke daye û vist vîrî ke hêzanê dewleta Îranî aktîvîste Ciwana Sine temmuze de remnaya û hema zî aqîbetê aye nêzanîyeno. KJARî vat: ''Endama KJARî Werîşe Mûradî (Ciwana Sine) wexto ke Rojhelatê Kurdîstanî de karê ma yê rêxistinîye kerdêne nêzdîyê Sinê de ameye remnayene û tira agahîye nêna girewtene. Na rewşe qesawetê keyeyî zêdînena.''

Temsîlkarê Ewropa yê Têgêrayîşê Azadî Omer Amînî zî vist vîrî ke ajananê Muxafizanê Şorişî Ciwana Sine remnaya û ganî cade Ciwana vera bidîya.

Çalakîye de posterê Zeynepe Celalîyan û Ciwana Sine ameyî akerdene û sloganê sey "Jin, Jiyan, Azadî" ameyî vatene.