Sîyasetmedaro kurd Kenan Ayaz 15ê adare de wexto ke Kibrisî ra şîyêne Swîsre Meydanê Teyaran ê Larnaka de tepişîya. Mehkemeya Kibrisî bire daye ke Ayaz wa teslîmê Almanya bêro kerdene.

Seba ke bira teslîmkerdişî bêra betalkerdene Yewîya Cinîyan ê Kurdan a Swîsre (YJK-S) kampanyaya îmzayan daye destpêkerdene. Eşkerayîya kampanya de ame vatene ke Ayazî qala 'têkilîya xurte' ya mabênê Almanya û dewleta tirke kerda û îdîayê terorî yê mehkemeya Almanya red kerdê. YJK-Syî eşkerayîye de vat: ''Avûkatê Ayazî seba betalkerdişê bire do îtîraz bikerê û Mehkemeya Ceza ya Kibrisî ganî mîyanê des rojan de bira peyêne bida. Vera teslîmkerdişî ma îmzayan arê danê. Tepişteyanê sîyasîyan rê azadîye. Kenan Ayazî rê azadîye.''

Kesê ke wazenê eşkenê bi nê lînkî beşdarê kampanya bibê: