Vera tecrîdê serê Rayberê Şarê Kurdî Abdullah Ocalanî Fransa de 2-3yê êlule de çalakîyî do bêrê kerdene. 

CDK-F û TJK-Fyî bi eşkerayîyêke hempare venga pêro kurdîstanijan û dostanê înan da ke bi şîarê 'Rayberê Azadî, şarê azadî' tewrê çalakîyan bibê.

Eşkerayîye de wina ame vatene: ''Tecrîd seba qirkerdişê kurdan hêrişêko topyekûn o. Tecrîd şexsê Rayber Apoyî de vera pêro kurdan yeno kerdene. Ma venga pêro kurdîstanijan û şorişgêran danê ke bi xurtî tewrê çalakîyan bibê.''

Komeleyanê kurdan ê başûrê Fransa zî seba rayraşîyayîş û mîtîngê Lyonî yê 3yê êlule veng da. Mîtîng do 13.00 de, Meydanê Place Jean Mace de dest pêbikero û hunermendî Seyda Perînçek, Lavîn Perînçek û Farqîn Azad mîtîng de do vejîyê sehne serî. Mîtîng bi şîarê 'Rayber Apoyî rê Azadîye, Kurdan rê Edalet' do bêro kerdnee.

Bernameyê çalakîyanê Fransa wina yo:

Paris,  2yê êlule,  Ca: Place République, Saete: 15:00

Strasbourg - 2yê êlule, Ca: Verê Konseya Ewropa, Saete: 10:00

Lyon - 3yê êlule, Ca: Place Jean Macé, Saete: 13:00