Seba beşdarîya 'Raywanîya Azadîye' ya Almanya vengdayîş

Endamê Têgêrayîşê Ciwananê Şorişgêran (TCŞ) Şervan Wanî venga pêro ciwananê kurdîstanijan da ke tewrê 'Raywanîya Azadîye' ya Almanya bibê ke şaristanê Mannheimî yê Almanya de do dest pêbikero.

Seba azadîya Rayberê Şarê Kurdî Abdullah Ocalanî vizêr paytextê Fransa Paris de Rayraşîyayîşê Azadîye yê 25 rojan dîyabi destpêkerdene. Çalakîkeranê rayraşîyayîşî ra Endamê Têgêrayîşê Ciwananê Şorişgêran (TCŞ) Şervan Wanî ANFyî rê qisey kerd.

Wanî vist vîrî ke çarçewa Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' de şaristanê Mannheimî yê Almanya de 'Raywanîya Azadîye' do bêra kerdene.

Wanî vat: ''Seba azadîya Rayberê ma Parisî ra heta Strasbourgî rayraşîyayîşê ma dest pêkeno. 9ê sibate de zî Almanya de, 'Raywanîya Azadîye' do dest pêbikera. Ma venga pêro ciwananê kurdîstanijan danê ke tewrê na raywanîye bibê.''

Raywanîya Azadîye 9ê sibate de do dest pêbikera û 16ê sibate de Strasbourgî de do biqeda.

Bernameyê rayraşîyayîşî wina yo:

09.02.2024 – Kombîyayîş – Mannheim

10.02.2024 – Roja 1. – Mannheim HBF

11.02.2024 – Roja 2. – Heidelberg – Hockenheim

12.02.2024 – Roja 3. – Homburg – Neunkirchen

13.02.2024– Roja 4. – Friedrichsthal – Saarbrucken

14.02.2024– Roja 5. – Saarbrucken

15.02.2024– Roja 6. – Strasbourg

16.02.2024– Roja 7. – Strasbourg Konferans