Meydanê Republique yê şaristanê Parisî yê Fransa de pêramotişêkê fotografan ame akerdene. Pêramotiş de bi wesîleya Hewteyê Aktîvîteyan ê Ivana de fotografê şehîdanê Rojawanî Ivana Hoffman û Ozgur Namogluyî û tay fotografê gerîlayanê şehîdan ameyî mojnayene.

Akerdişê pêramotişî de nameyê Paris Young Struggle ser o qiseykerdişî ameyî kerdene. Qiseykerdişan de ame vatene ke şehîdê Rojawanî serkêşîyê Şorişî kenê. Pêramotiş de venga pêro kesan ame dayene ke 17ê hezîrane de şaristanê Duisburgî yê Almanya de tewrê Festîvala Ivana Hoffman bibê.

Dima bi wesîleya rojbîyayîşê Namogluyî pasta ameye vilakerdene beşdaranê pêramotişî.

Pêramotiş bi sloganan qedîya.