Seba Ocalanî Stockholm de çalakîye ameye kerdene
Paytextê Swêdî Stockholm de seba qedînayîşê tecrîdê Rayberê Şarê Kurdî Abdullah Ocalanî çalakîye ameye kerdene.
Paytextê Swêdî Stockholm de seba qedînayîşê tecrîdê Rayberê Şarê Kurdî Abdullah Ocalanî çalakîye ameye kerdene.
Merkezê Komelê Demokratîkî yê Kurdan ê Stockholmî, Meclîsê Cinîyan ê Amara, Komeleya Paştdayîşî, Meclîsê Cinîyan ê Sara, Înîsîyatîfê Haştîye yê Cinîyan û PJAKî zî tede bi vengdayîşê rêxistinanê komelkîyan ê sivîlan meydanê Sergektrogî de vizêr çalakîyêke kerde.
Meclîsê Cinîyan ê Amara ra Ayşe Goktepe, Komîteya Stockholmî ua PJAKî ra Amîre Babakîrî, Platformê Kurdîstanê Xoserî ra Karwan Saîdî û aktîvîstê îranijî Hamîdî meydanê çalakîye de qisey kerd. Qiseykerdoxan bale ante şewatê Îmraliyî ser û îfade kerd ke şar û dostê kurdan seba weşî û cuya Ocalanî biqesawet ê.
Qiseykerdoxan waşt ke tecrîd cade bêro wedaritene û Ocalan û tepişteyê bînî cade avûkat û keyeyanê xo reyde pêvînayîş bikerê. Venga hukmatê Swêdî û Yewîya Ewropa ame kerdene ke seba wedaritişê tecrîdî têbigêrê. Ayşe Goktepe da zanayene ke şewatê Girawa Îmraliyî de polîtîkaya hêrişî vera kurdan û Rayberê Şarê Kurdî Abdullah Ocalanî ameye kerdene. Goktepe venga kurdîstanijan û dostanê înan da ke roja 5ê adare roja pancşemeyî saete 15:30 de tewrê çalakîya verê bînaya Yewîya Ewropa ya Stockholm Regerîngsgatan 65 de bibê.Çalakîye de seba şermezarkerdişê dewleta tirke û seba veradayîşê Ocalanî sloganî ameyî vatene.