KON-MED’î semedê beşdarîya çalakîyanê paştdayîşê Rojawanî yê 12'ê Teşrîna Verêne ya Almanya veng da: Roje roja payanserwuriştişê tornan ê Şêx Mehmud Berzencî, Qazî Mihemedî, Şêx Seîdî, Seyît Rizayî, Dr. Qasimloyî, Dr. Nurî Dêrsimî ya.
Konfederasyonê Komelanê Kurdistanijan ê Almanya (KON-MED) bi nameyê "Seba pawitişê Rojawanî wext wextê payanserwuriştişî yo" eşkerayîyêk weşanîya.
Eşkerayîye de wina ame vengdayene: "Hetê Tirkîya ya îşxalkare ra şerêkê pîlî yo ke destkewteyê û qirkerdişê Kurdî hedef girewtî, ame destpêkerdene. Ma veng danê pêroyê rêxistinanê Kurdan ke cîyatîya xo ya îdeolojîk û sîyasîye ca verdê û wayîrê şorişê Rojawanî bivejîyê. Roje roja payanserwuriştişê tornan ê Şêx Mehmud Berzencî, Qazî Mihemedî, Şêx Seîdî, Seyît Rizayî, Dr. Qasimloyî, Dr. Nurî Dêrsimî ya. Ma bi ruhê yewîya neteweyî, sere de şarê xo rê, şaranê pêroyînan, komanê bawerîyan, pêroyê hêzan ê demokratîkan, şorişgêran û azadîperweran rê veng danê ke bêrê ma xoverdayîş berz bikê û serkewtişê şaran bifînê dest. Ma veng danê şima ke 12'ê Teşrîna Verêne de Almanya de rayraşîyayîşêkê bi des hezaran kesan virazê."
Çalakîyê ke do 12’ê Teşrîna Verêne de Almanya de bêrê viraştene ca û saetê înan wina yê:
Berlîn: Saete: 15:00 - Ca: Hermann Platz Berlin
Hamburg: Saete: 15:00 Ca: S-Bahn Sternschanze Hamburg
Hannover: Saete: 16:00 - Ca: Hbf Hannover
Bremen: Saete: 14:00 - Ca: Hbf Bremen
Stuttgart: Saete: 14:30 - Ca: Lautenschlager Str
Munîh: Saete: 13:00 - Ca: Karl-Stutzel-Platz Munîh
Frankfurt: Saete:14:30 - Ca: Hbf Frankfurt/verê Main de
Saarbrucken: Saete: 14:00 - Ca: verê Avrupa Galerie Saarbrucken
