Ciwanê kurdîstanijî û enternasyonalîstî xo amade kenê ke bi şîarê 'Bi ruhê Apogîrî ver bi raywanîya azadîye' Almanya de vejîyê waran. Seba azadîya Rayberê Şarê Kurdî Abdullah Ocalanî ciwanî do mabênê 3-8ê êlule de Almanya de dest pê çalakîya 'Raywanîya Azadîye' bikerê. 

Komîteya amadekarîye derheqê çalakîye de hesabanê xo yê medyaya dîjîtale de venga da. Komîteya amadekarîye vat: ''Ma do bibê yew, vera kapîtalîzm, faşîzm û kolonyalîzmî bi hawayêkê pîlî xo ver bidê û ser bikewê. Seba ke ma azadîya Rayber Apoyî bîyarê ca, do têkoşînê xo rê dewam bikerê.''

Wina pawîyeno ke Fransa, Almanya, Swîsre, Awûstûrya, Îngilistan û pêro Ewropa ra bi seyan ciwanî tewrê çalakîya raywanîya azadîye bibê. Roja verêne ya çalakîye do derheqê tecrîdê Îmraliyî de konferansêk bêro kerdene.

Bernameyê çalakîyan wina yo:

02.09.2023 - Kombîyayîş- Bornstrasse 166 Dortmund

03.09.2023 - Roja 1îne - Konferans

04.09.2023 - Roja 2yîne - Dortmund HBF-Bochum HBF

05.09.2023 - Roja 3'yîne - Bochum HBF-Essen HBF

06.09.2023 - Roja 4ine - Oberhausen HBF-Duisburg

07.09.2023 - Roja 5ine - Neuss HBF - Dusseldorf HBF

08.09.2023 - Roja 6ine- Koln HBF - Koln Mulheim