Paytexte  Polonya Varşova de, vera îşxalê Dewleta Tirkîya yê vera Rojawanî, bi bereyîya cinîyan ver bi Qesrê Serekkomarî rayîrşîyayîşêk ame kerdene. Çalakî de venga pêro cînîyanê dinya dayîya ke şorişê cinîyan ê Rojawanî rê wayîr vejîyê.

Şaristanê Wroclawî yê rojawanê Polonya de zî kurdan û polonan pîya çalakîyêk kerde. Rêxistinê “Wroclaw seba Rojawanî payan ser o yo” çalakîye kerde û seba îşxalkerî û pakîya etnîkî ya ke  yena kerdene bêvengîya dewletanê dinya ameye rexnekerdene. 

Serokkomar Dûdayî Rê Mektube Erşawîyaye

Eynî rêxistînî Serekkomar Andrzej Dûdayî rê mektubêke erşawite û dîyar kerd ke galê îşxalkerî gef ro pêro dinya wanenê. Mektube de ame dîyar kerdene ke Dewleta Tirkan bi cerganê El Qeîde, DAÎŞ û rêxistinanê terorîstan ê huşkan gal  kena û vajîya, newe ra candarbîyayîşê DAÎŞî seba Ewrupa tehlîkeyêko pîl o.

Metube de sucê vera merdimîye ke îşxalkeran Efrînî de kerdê amey vîrfîştene û ame nîşankerdene ke teba kurdan, xirîstîyan, asûrî, armenî û raameyîşê bînî yê herême vera îşxalkerî xo ver danê

Mektube de xoverdayîşê Meclîsê Leşkerî yê Suryanîyan û Hêzanê Sûrîya Demokratîke (QSD) yê vera îşxalkerî ame vîrîfîştene û Polonya ra ame waştene ke vera xoverdayîşê Meclîsê Leşkerî yê Suryanîyan bêveng memana. 

Osnabruckî de Çalakîya Hempare ya Vera Îşxalî

Şaristanê Osnabruckî yê Almanya de vera galanê îşxalkerî yê Dewleta Tirkan û cerganê aye yê vera Vakur û Rojhelatê Sûrîye û Rojawanî bi beşdarîya komanê çepan ê alman û kurdîstanijan rayîrşîyayîşêk ame sreûberkerdene.