Platformê Komeleyan ê Herêmîyan ê Demokratîkan bi eşkerayîyêke venga her kesî da ke seba şermezarkerdişê Qirkerdişê Helebçe, Gazî û Qamişloyî tewrê çalakîya Frankfurtî ya 13ê adare bibo.

Eşkerayîye de ame vîrvistene ke Saddamî 12ê adarî de Helebçe ser o gazê kîmyewî varnayî, Rejîmê Baasî 12ê adara 2004î de Qamşlo de kurdî qetil kerdî, dewleta tirke 12ê adara 1995î de taxa Gazî ya Îstanbulî de kurdê elewîyî qetil kerdî.

Paltformî pare kerd ke Ewropa nê qirkerdişan de tim Saddam, Bass û Tirkîya rê hemkarîye kerde û venga rayaumûmîya Ewropa da ke wa dezgehê faşîstî yê sey DÎTÎB, Ulku Ocaklari ûsn bêrê hukmkerdene.

Platformî peynîya eşkerayîye de venga her kesî da ke tewrê çalakîya şermezarkerdişê nê qirkerdişan bibê.

Agahîyê çalakîye wina yê:

Tarîx: 13ê adare

Ca: Kaiser Sack- Frankfurt

Saete: 14.00