KCDK-E ûTJK-E Bruksel de verê Parlamentoyê Ewropa de sey cewabê vengdayîşê Rayber Apoyî yê 27ê sibate, eşkerayîya hempare daye.

Eşkerayîye de pankartê ''Komelo demokratîk ê kurdan ê Ewropa paştî dano vengdayîşê Haştîye û Komelê Demokratîkî yê Ocalanî'' ame akerdene.  Reyna fotografo peyên ê Rayber Apo yî zî ame kiriştene û slogana "Bijî Sero Apo" ameye vatene.

Eşkerayîye de ya ke kurdkî, tirkî, ingîlîzkî û fransizkî ame wendene nê ameyî vatene: ''Komelê kurdan ke Ewropa de ciwîyeno bi vengdayîşê Abdullah Ocanaî zaf bi şa. Birêz Ocalanî verî vengdayîşî Ma KCDK-E û Têgêrayîşê Cinîyan ê Kurdan rê mektub şawit û fîkrê ma persa. Ma sey  KCDK-E û TJK-E Birêz Ocalanî rê sibas kenê.

Ma semedê caardişê Manîfestoyê Haştîye û Komelê Demokratîkî yê 27ê sibate xo berpirsîyar vînenî û sey rêxistinanê komelê demokratîkî yê Ewropa  beyan kenê ma do semedê haştîye û demokrasîyî bi heme hêzê xo têkoşîn bikerê.

Almanya, Fransa û welatanê bînan ê Yewîya Ewropa paştî daye vengdayê Birêz Ocalanî. Eşkerayîyê pozîtîfî yê Almanya, Birîtanya, Neteweyanê Yewbîyayeyan, Amerîka û welatanê bînan semedê ma erjîyaye yê.Yewîya Ewropa gerek polîtîkaya kurdan de tewirê demokratîkî aver bêro. Qedexeyê PKKyî û polîtîkayê krîmînalîzekerdişî yê vera kurdan gerek cade bêrê wedaritene.

Semedê azadîya Birêz Ocalanî o ke semedê haştîye pêro berpirsîyarîye  û rîskî girewtî xo ser, gerek dewletê Yewîya Ewropa şirê Tirkîya ser ke Heqê Hevî yo ke hetê Komîteya Wezîranê Konseya Ewropa a 16ê êlula 2024î de qerarê ci gerîya, bêro caardene''