Keyeyê Doymazî ke dewa Axçelî ya Semsûrî de bi desan merdimê ci erdlerzî de merdî,  vizêr bajarê Luzernî yê Swîsre de tezîye naye ro.

Tezîyaya ke Merkezê Komelê Kurdan de ameye kerdene de bi nameyê keyeyî Îsmet Doymazî qisey kerd. Doymazî vat: ''Hîrê rojanê verên ê erdlerzî de dewlete nêşîye herême  û qet hetkarî nêrasaye herême. Seba ke şarê herême kurd û elewî yo bi rojan hetkarî nêrasaye ci. Hetkarîya verêne hetê Şaredarîya Çinarî ya Amedî ra resaye herême. Cemxaneyê Semsûrî de aşxane rona. Ma cenazayê xo bi îmkananê xo binê rijnayîşan ra vetî û tîya zî kampanyaya hetkarîye daye destpêkerdene.''

Xeylêk bajaranê Swîsre de ewro û siba do hetê Heyva Sor a Kurdîstanî û KOMAWî ra semedê kesanê ke merdimê înan erdlerzî de merdî,  tezîye bêro ronayene.

Ca û tarîxê tezîyeyan wina yê:

Zurih: 25ê sibate şeme, Schützenmattestrasse 30, 8180 Bülach

Lozan: 25ê sibate şeme, komele /Rue de la Borde 12, 1002 Lusanne

Basel: 26ê sibate yewşeme, Oristalstrasse 89, 4410 Liestal

Solothurn: 26ê sibate yewşeme, Oscar Palace Bahnhofstrasse 24, 4563 Gerlafingen

Locarno: 26ê sibate yewşeme, Ristorante Stella / via g. Mantegazza 5, 6600 Locarno