Bern û Luzern de semedê Mazlûm Dag û Abdurrahman Erî yê ke zîndanê Hewlêrî de grevê vêşnaîye de yê, çalakîya paştdayîşî ameye kerdene. Çalakîye de semedê hîsgêrîye veng dîya heme dezgehanê kurdan.
Bajarê Bern û Luzernî yê Sîwre de vizêr semedê Mazlûm Dag û Abdurrahman Erî yê ke di aşmî yo zîndanê Hewlêrî de grevê vêşanîye de yê, çalakîya paştdayîşî ameye kerdene.
Luzern de bi vengdayîşê Merkezê Komelê Demokratîkî yê Kurdan kurdîstanijê ke îstasyonê trenan de ameyî têhet veng da ke wa waştişê Dag û Erî bêrê qebulkerdene. Apê Abdurrahman Erî, Necmettîn Ero ke tewrê çalakîye bi ard ziwan ke rewşa Dag û Erî zaf xirab a û serê de hukmatê Başûrê Kurdîstanî heme dezgehanê kurdan ra waşt ke wa hîsgêr têbigêrê.
Bern de zî semedê paştdayîşê Dag û Erî çalkîye ameye kerdene. Çalakîye ve bale ameye antene şertanê zehmetan ê wird tepişteyan ser û ame vengdayene ke waştişê înan bêrê caardene. Qiseykerdişan de ame vatene ke PDK seba ke bikewo çimê dewleta tirke ciwananê kurdan rê wina îşkence keno ame vengdayene ke wa nê tewirê xo caverdo.
