Ewropa de 'Rayraşîyayîşo Derg' o ke her serre ciwanê kurdî kenê, 11ê êlule de şaristanê Kolnî yê Almanya de do dest pêbikero. Rayraşîyayîş çarçewa Hemleya 'Werin Cenga Azadiyê' de semedê azadîya Rayberê Şarê Kurdî Abdullah Ocalanî yeno kerdene. Sere de Fransa, Almanya, Swîsre, Avusturya û Îngilîstan her cayê Ewropa ra ciwanî tewrê rayraşîyayîşî benê. Rayraşîyayo Derg 11ê êlule de do dest pêbikero û 14ê êlule de Aachen de biqedo.

Komîteya Amadekarîye venga ciwanan da ke pê ruhê seferberîye tewrê rayraşîyayîşî bibê. Komîte pare kerd ke azadîya Abdullah Ocalanî waştişê înan o verên o.

Komîte vat: ''Armancê ma yo esas caardişê azadîya Abdullah Ocalanî yo. Hetê rejîmê AKP-MHPyî yê kolonyalîstî ra şexsê Rayberîya ma de şarê ma rê tecrîd û qirkerdiş yenê ferzkerdene. Hêrişê îşxal û qirkerdişî Vakurê Kurdîstanî de, Başûr û Rojawan de zî konseptê îmha dewre de yo.

Ma sey ciwananê kurdan nê konseptî nêşinasnenê. Senî embazê ma Avaşîn, Metîna û Zap de vera faşîzmê tirkan têkoşîn kenê ma zî semedê caardiişê xeyalê 'Rayber Apoyî reyde azad bê, Kurdîstan de ma bêrê yewca' têkoşînê xo rê dewam bikerê. Nê esasî ser o ma venga pêro ciwananê kurdan ê Ewropa danê le pê şîarê 'Dest bi Dest – Mil bi Mil: Werin Cenga Azadiyê' û pê ruhê seferberîye tewrê Rayraşîyayîşê Dergî bibê.''