Semedê rojnamegeran Gulîstane Tara û Hêro Bahadîn yê ke qezaya Seyîdsadiqî yê Silêmanî de  bombardumanê dewleta tirke de şehîd bîyî bajarê Duisburgî yê Almanya de tezîye ameye ronayene.

Tezîyeya ke hetê Merkezê Komelê Demokratîkî yê Kurdan ê Duisburgî û Meclîsê Cinîyan ê Asya Yuksel ra ameye ronayene waya Gulîstane Tara Ulkem Isen tewrê ci bîye. Tezîyeya ke Merkezê Komelê Demokratîkî yê Kurdan de ameye ronayene xeylêk rojnamegerê ke dezgehanê Çapemenîya Azade de xebityenê tewrê ci bîyî. Reyna temsîlkarê dezgehanê kurdan ê Almanya û endamê KOMAWî û tewrê ci bîyî.

Badê rêzgirewtişî Rojnamegerê Aysele Avesta qisey kerd û bale ante têkoşînê çapemenîya azade yê vera faşîzmî ser û vat ê do têkoşînê wird embazanê xo bidomnê.

Waya Gulîstane Tara, Ulkem Isen zî ardz iwan ke waya ci Gulîstane Tara vera şarê xo û heqîqetî hîsgêrbî û vat: '' A zaf pabesteya dewaya xo bî qet tewîz nêdayêne. Ez bi rûmet a  ke embaz û şarê ci wina wayîrê ci vejîyenê.''

Dayîka Şenge zî bi nameyê KOMAWî şexsê  wird rojnamegeran Gulîstane û Hêro de heme şehîdê Kurdîstanî yad kerdî û vat ma do rixmê heme hêrişan milê xo çewt mekerê û bi têkoşînî ser bikewê.

Rojnamerê ke Gulîstane Tara reyde xebityayî înan zî derheqê xebate û kesayatê aye de qisey kerd.