Fransa de serewedaritişo ke kişîyayîşê domanê 17 serrî ra dima dest pêkerdbi, şewa hîrêyîne de hîna giran bi. Şaredarî, wesayîtê pêroyî, dikan, wesayît û dibistanî ameyî vêşnayene. Tewr tay 667 kesî ameyî destbendkerdene.
Domano cezayîrij o 17 serre sêşeme hetê polîsan ra amebi kiştene. Dima ke dîmenê serebûtî medyaya dîjîtale de vila bîyê Fransa de serewedaritişê şarî dest pêkerd. Polîso kiştox ame destbendkerdene û dozgerîye waşt ke wa bitepişîyo. Polîsî keyeyê domanî ra efû waşte.
Serebûtî roja hîrêyîne de domîyayî. Vera serebûtan 40 hezar hêzê asayîşî ameyî wezîfedarkerdene. Goreyê Wezîrîya Karanê Zereyî heta nika serebûtan ra 667 kesî ameyî destbendkerdene. Şaredarî, wesayîtê pêroyî, dikan, wesayît û dibistanî ameyî vêşnayene.
Yeno vatene ke serebûtan de rojnamegerî zî raştê hêrişan yenê û hîrê rojnamegerî birîndar bîyê.
Mudirîya Asayîşî ya Parisî pare kerd ke merkez de 1569 cayî ameyî vêşnayene û talan zî şaristan de zêdîyeno.
Hetê bînî ra serewedaritişê Fransa Belçîka ra vila bi. şewa îneyî xeylêk komunanê Brukselî de ciwanî vejîyayî meydanan û 64 kesî ameyî destbendkerdene.
