Serrgêra ronayîşê PKKyî Fransa de ameye fîrazkerdene

Serrgêra ronayîşê PKKyî Fransa de ameye fîrazkerdene. Çalakîyan de ame mojnayene ke ê PKKyî reyde bi serkewtîşî şinê.

Seba fîrazkerdişê serrgêra ronayîşê PKKyî banlîyoyê Villierd le Belî yê paytextê Fransa Parîsî de rayraşîyayîşêk ame kerdene. Çalakîye de pankarta ''Ma PKKyî reyde bi serketişî şorê'' ameye daliqnayene. Rayraşîyayîş Merkezê Komelê Demokratîkî yê Villiers le Belî de bi govendan qedîya.

Drancy

Banlîyoyê Drancyî de zî çalakîgerî Merkezê Komelê Demokratîkî yê Kurdan ra heta bînaya şaredarîye rayra şîyî. Rayraşîyayîşî de vilawekî ameyî vilakerdene û sloganê ''Kiştox Erdogan'', ''Biciwîyo PKK'' bi kurdkî û franskî ameyî vatene.

Evry

Banlîyoyê Evryî de zî ciwan û kurdistanijî Merkezê Komelê Demokratîkî yê kurdan de kom bîyî û bi alaya PKKyî û pankarta ''Serra 41. de bi ruhê Şorişê Rojawanî ma ver bi serkewtişî şinê'' rayîrî ra şîyî.

Çalakîye de sloganê ''PKK'' û ''Her ca Rojawan o, her ca xoverdayîş o'' ameyî vatene.

Mantes la Jolie

Serrgêra ronayîşê PKKyî şaristanê Mantes La Jolie yê Fransa de zî bi rayraşîyayîşêkî ameye fîrazkerdene. Rayraşîyayîşî de sloganê ''Biciwîyo PKK'' û ''Bicwîyo Serek Apo'' ameyî vatene.