Bajarê Stuttgartî de Înîsîyatîfê Mexdûranê Terteleyê Dêrsimî ra semedê yadkerdişê Seyîd Riza û embazanê ci aktîvîteyêke organîze kerd. Çalakîyê de pankartê kirmanckî, fotografê Seyîd Rizayî û embazanê ci û fotorafê Terteleyê Dêrsimî ameyî kiriştene û bi mûman DÊRSIM 38 ame nuştene.

Eşkerayîyanê bi kirmanckî û almankî de serrgêra ci ya 87. de Terteleyê Dêrsimî qetilkerdişê Seyîd  Rizayan ame şermezarkerdene  û ame vatene hesabê Terteleyê Dêrsimî do bêro persayene. Çalakîye de kilamê kirmanckî ameyî vatene û loqma ameye vilakerdene.

Bajarê Cenevre yê Swîre de zî dêrsimîjan û dezgehanê elewîyan verê Ofîsê Neteweyanê Yewîyan de bi aktîvîteyêke Seyîd Riza û embazê ci yad kerdî.