Slovenya û Yunanîstan de zî xeylêk roşnvîran û kesayetî bi eşkerayîyêke tewrê Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' bîyî.

Şaristanê Ljubljana yê Slovenya de komelnas Dr. Rastko Mocnik, wekîlê verênî Matjaz Hanzek û profesorê Zanîngehê Ljubljana Dr. Andrej Kurnikî eşkerayîye wende. Eşkerayîye de bale ameye antene ser ke tecrîdê Îmraliyî yê vera Abdullah Ocalanî 25 serrî yo dewam keno û ganî pêro dinya vera tecrîdî û seba azadîya Ocalanî têkoşîn bikera. Eşkerayîye de ame vatene ke kurdan vera DAÎŞî têkoşînêko biqîmet dayo û ganî dinya şarê kurdî hêrişanê dewleta tirke ra bipawa.

Şaristanê Selanikî yê Yunanîstanî de akamîsyenan  Andreas Takis û Dimitris Spyropoulos, Endamê Înîsîyatîfê Avûkatan ê Alternatîfî Thodoris Papadopoulos, Endamê Klînîkê Paşdayîşê Komelkî yê Selanikî Yannis Raptis, doktor Stathis Giannakopoulos, endamê SE VIOME Makis Anagnostou, Serekê Komeleya Muzîsyenan a Vakurê Yewnanistanî Dimitris Zervoudakis, Komeleya Xebatkaranê Kitab-Kaxizan û akademîsyen Panagiotis Xoplidisî eşkerayîye de qisey kerd. Eşkerayîye de ame vatene ke Rayberê Şarê Kurdî Abdullah Ocalan seba pêro şaranê dinya hêvî yo. Eşkerayîye de venga pêro kesan dîya ke wa tewrê hemle bibê