Sîwana Meclîsanê Cinîyan ê Êzidîyan (SMJÊ) û Yewîya Cinîyan ê Kurdan ê Almanya (YJK-E) pê eşkerayîyêka nuştekî qurbanê Fermanê Şingalî yê 3ê Tebaxa 2014î yo ke hetê DAÎŞî ra ameybî qetilkerdene yad kerdî. Eşkerayîye de ame vatene ke Ferman pê metodanê cîyayan dewam keno, cinî û domanê êzidîyê ke ameybî remnayene hema  zî aqîbetê înan eşkera nêbi. SMJÊ û YJK-E seba serrgêra Fermanê Şingalî yê 3ê Tebaxa 2014î bernameyê çalakîyan pare kerd û veng da ke ke statuyê Şingalî bêro naskerdene, Ferman sey qirkerdiş û femînîsîd bêro qebulkerdene.

Vengdayîşê SMJÊ û YJK-E wina yo:

''1500 keyeyê êzidîyî agêrayî Şingal. No tersêko pîl dano Erdogan û dewleta tirke. Ê armanc kenê ke qirkerdişo ke DAÎŞî kerd, temam bikerê. Endamê NATOyî Tirkîya hêrişê Şingalî û Rojawanî kena. Neteweyê Yewbîyayeyî û Yewîya Ewropa vera nê sûcan bêveng ê. Sere de Almanya tay welatî benê hemkarê nê sûcan. Ganî cade na hemkarîye bêra vindartene. Ma venga NY û YE kenê ke wayîrê sozanê xo bivejîyê û qirkerdişê Şingalî sey femînîsîd û qirkerdiş qebul bikerê, goreyê neye têbigêrê.

Ma veng danê ke 3ê Tebaxe wa bibo roja vera qirkerdişê cinîyan a mîyanneteweyîye, statuyê Şingalî bêro naskerdene, cergê DAÎŞî û Tirkîya sûcanê xo yê şerî ra bêrê hukmkerdene, warê hewayî teyarayanê şerî yê dewleta tirke rê bêro girewtene.

Ma venga pêro cinîyan danê ke 3ê tebaxe bikerê roja vera qirkerdişê cinîyan a mîyanneteweyîye û pê sembolê Êzdayî û haşitîye pê kincanê sipîyan tewrê çalakîyan bibê.

Fermanê Şingalî do qet nêro vîrî ra kerdene û efûkerdene.''

Bernameyê çalakîyan wina yo:

 

01.08.2020

Ca: Bielefeld/ verê îstasyonî yê HBF

Saete: 15:00 Rayraşîyayîş û Nawnayîş

Ca: Kleve/ merkexê Herzogstrasse

Saete: 14:00 Rayraşîyayîş û Nawnayîş

Ca: Bremen/ verê îstasyonî yê HBF

Saete: 12:00 Rayraşîyayîş û Nawnayîş

 

02.08.2020

Ca: Berlîn/ Quitzowstr. 103

Saete: 16:00 semîner û pêramotiş

 

03.08.2020

Ca: Berlîn/ Platz der Republik 1

Saete: 14:00 Nawnayîş

Ca: Wesel/ Am Berliner Tor

Saete: 17:30 Nawnayîş

Ca: Oldenburg/ Am Schlossplatz

Saete: 17:00 Rayraşîyayîş û Nawnayîş

Ca: Celle/ Parka Trift

Saete: 17:00 Tîyatro û Nawnayîş

Ca: Saarbrucken/ Verê  Europa Galerie

Saete: 18:00 Nawnayîş

Ca: Achim

Saete: 16:00 Nawnayîş