Şaristanê Stockholmî yê Swêdî de bi beşdarîya rojnameger Joakim Medinî, nuştox-rojnameger Kurdo Baksî û sîyasetmedar Pierre Schorî derheqê weçînayîşê serekkomarîye yê 28ê gulane de semînerêk ama dayene. Semîner de astengîya Tirkîya ya vera endamîya NATOyî Swêdî zî ameye ercnayene.

Joakim Medinî da zanayene ke ey wextê çimdarîya xo ya weçînayîşî de dî ke vera kurdan dişmenîye est a û vat: ''Komê muxalîfî bineyk pozîtîf bîyê la hetê bînî nîjadperestî bîyê û qayîl bîyê ke şaredaranê kurdan debikerê hepsî. Ganî no sîstemo tedakar bêro wedaritene.''

Kurdo Baksîyî bale ante kerdişanê qirkerdişê sîyasîyî ser û vat: ''Nika 11 wekîlê kurdî zîndan de yê. Medyaya kurdan tim kurdan krîmînalîze kena. No prosesêko zehmet o û her çî vera beno zehmetînêr.''

Schoriyî zî pare kerd ke meseleya endamîya NATOyî ra nata Swêd de mafyayî bi hawayêkê zêdeyî têgêrenê û vat: ''Seba endamîya NATOyî ya Swêdî Tirkîya kurdan ser o bazarîye kena.''