Şaristanê Stockholmî yê Swêdî de û şaristanê Helsinki yê Fînlandîya de hêrişê dewleta tirke yê vera Başûrê Kurdîstanî û Heftanînî ameyî şermezar kerdene.

Stockholm

Kurdîstanijan bi vengdayîşê Merkezê Komelê Demokratîkî yê Kurdan, Meclîsê Cinîyan ê Amara û dezgehanê Başûrê Kurdîstanî ameyî pêser û înan hêrişê îşxalî yê dewleta tirke şermezar kerdî. Qiseykerdoxan îfade kerd ke dewleta tirke bi hawayêkê bêqanûnî dekewte Heftanîn.

Çalakîye de venga rayaumûmîye ame dayene ke şero îlegal ê dewleta tirke wa bêro vindartene û hukmatê Başûrî hemkarîya dewleta tirke ra wa fek vera bido.

Çalakîye de Hemserekê KNKyî Ahmet Karamusî zî qisey kerd û pare kerd ke dewleta tirke bi paştdayîşê hêzan ê mîyanneteweyîyan hêrişê Başûrî kena.

Helsinki

Kurdîstanijan şaristanê Helsinki yê Fînlandîya de ameyî têhet û bi çalakîyêke hêrişê îşxalî yê dewleta tirke şermezar kerdî. Çalakîye de Temsîlkarê Têgêrayîşê Goranî qisey kerd û hukmatê Başûrî semedê tewirê ci rexne kerd. Çalakîkeran bi sloganan paştdayîşê xo yê seba Heftanînî mojna.