Çalakîya roniştişî ya ke serkêşîya TJK-E û KCDK-E de bi şîarê ''vara îşxal û qirkerdişî her ca Avaşîn, Zap û Metîna yê. Dem demê azadîye yo'' bajarê Strasbourgî yê Fransa de 12ê gulane dîyaye destpêkerdene hewteyê dîyinî de dewam kena.

Çalakîya ronişitşî cayê Nobeta Azadîye yo ke dezgehê Ewropa tede yê de yena kerdene. Çalakîya ke 78 sazgehê Kurdîstan û Tirkîya paştî danê ci semedê protestokerdişê tecrîdê serê Rayberê Şarê Kurdî Abdullah Ocalanî û hêrişê îşxalî yê vera Herêmanê Pawitişî yê Medya yena kerdene. Çalakwanî Ewropa zî şermezar kerdene ke  hetê ekonomî û çeke ra paştî dana Tirkîya û vera hêrişanê ci yê vera kurdan bêveng a.

Hemsereka KCDK-E Fatoş Goksungur derheqê çalakîye de qisey kerd.