Bajarê Strasbourgî yê Fransa de çarçewa Hemleya ''Tecrîd, Faşîzm, Îşxalî rê Bes o, Wext Wextê Azadîye yo'' de çalakîya roiniştî ya ke do aşmêke bêro domnayene ameye destpêkerdene.

Çalakîya roniştişî verê Konseya Ewropa de eşkerayîyêke ameye destpêkerdene. Endamê Konseya Rayberdişî ya KCKyî Zubeyîr Aydarî ke tîya qisey kerd vat: ''Konseya Ewropa, CPT û MHME heme tîya yê. Ma verê berê înan de vengê xo dinya rê danê eşnawitene. Bi serran o tîya nobete yena tepiştene, çalakîyî yenê kerdene. Raporê CPTyî xora netîceya nê çalakîyan a. Ma tîya ra wezîfeyê înan anê vîrê înan û vanê ke wa goreyê raporo ke eşkera kerd, têbigerê. Heta azadîya Rayber Apoyî ma do payra bê. Ma qerardar ê, ma do têkoşînê xo heta peynî berê.''

Reyna temsîlkaranê AVeG-KON, TJK-E, ADDKİA, KON-MED, Koordînasyonê Êzidîyan, PYD, MAR-DEF, CÎKî zî qiseykerdişanê xo de semedê pîlkerdişê têkoşînî veng da û azadîya Ocalanî waşte.

Grûba verêne ya çalakîye de temsîlkaranê KCDK-E, KON-MED, PYD, KCDK-E Başûr,SYKP Ewropa, PJAK, ADDKİ, MAR-DEF, CÎK, KOMAW KNK,  Koordînasyonê Êzidîyan, PKAN, AVeG-KON û FEDA û xeylêk sîyasetmedarê kurdî ca genê.