Strasbourg de çalakîye bi panel û kayan dewam kena

Şaristanê Strasbourgî yê Fransa de çalakîya roniştîşî ya ciwanan de derheqê Hemleya 'Pîya Serewedaritişî' de panelêk ame serûberkerdene.

TJK-E û KCDK-E 12ê teşrîna verêne de seba azadîya Rayberê Şarê Kurdî Abdullah Ocalanî Şaristanê Strasbourgî yê Fransa de çalakîya roniştişî dabî destpêkerdene. Çalakîya hewteyê 3. de hetê ciwananê TCŞ û TEKO-JIN ra yena kerdene.

Çarçewa aktîvîteyanê çalakîye de ciwanan derheqê Hemleya 'Pîya Serewedaritişî' de panelêk serûber kerd. Firat Dilsozî panel de qisey kerd û pare kerd ke hemleya înan do vera modernîteya kapîtalîste modernîteya demokratîke awan bikera. Dilsozî da zanayene tecrîdê vera  Rayberê Şarê Kurdî Abdullah Ocalanî vera konfederalîzmê denokratîkî zî yeno caardene. Dilsozî ard ziwan ke dewleta tirke wazena kurdan bi temamî qir bikera û Başûrê Kurdîstanî de bi xoverdayîşê gerîlayan hêrişî yenê şiknayene.

Roja diyîne ya çalakîye de kayî ameyî kaykerdene musabeqaya zanayîşî ameye kerdene. Ciwanê enternasyonalîstî zî hêdî hêdî Îspanya, Swîsre, Alamanya û Fransa ra tewrê çalakîye benê.

Roja îneyî zî saete 13:00 de çalakîkerî Meydanê Kleberî ra  ver bi Konseya Ewropa rayraşîyayîşêk bikerî. Ciwanan seba çalakîya rayraşîyayîşî venga kurdan da.

Aktîvîstê Înîsîyatîfê 'Ocalanî rê Azadîye-Wextê ci Ameyo' zî do roja çareşeme û îneyî bi rayîrê skype qisey bikerê û qala ci bikerê ke azadîya Ocalanî çira girîng a û derheqê azadîya ci de xebatê senînî yenê kerdene.

Roja çarşemeyî nê kesî do qisey bikerê:

Ogmundur Jónasson - Îzlanda

Ela Gandhi - Hîndîstan

Simon Dubbins - Îngilîstan