Aktîvîstanê Têgêrayîşê Ciwananê Şorişgêran û TÊKO-JIN çarçewa 'Werin Cenga Azadiyê' de vera tecrîdê serê Rayberê Şarê Kurdî Abdullah Ocalanî û hêrşanê îşxalê dewleta tirke şaristanê Strasbourgî yê Fransa de mîtîngêk kerd.

Mîtîng de fotografê Ocalanî û alayê PKKyî ameyî akerdene. Mîtîng de fotografê şehîdan Çekdar Canfeda Med (Enver Çelîk), Şevîn Çekdar (Şeyda Eren), Arîn Armanc (Mizgîn Eren) û Sûphî Tolhildan (Yilmaz Beşalti) zî ameyî berzkerdene.

Ciwanan çalakîye de vilaweka xo wende û pare kerd ke ganî ciwanî çarçewa hemleya 'Werin Cenga Azadiyê' de vejîyê meydanan û heta azadîya Ocalanî xoverdayîş de cabigêrê.

Mîtîngê ciwanan bi slogananê 'Biciwîyo xoverdayîşê gerîlayan' û 'Biciwîyo Serek Apo' qedîya.