Çarçewa Hemleya 'Vera îşxalî her ca Avaşîn, Metîna û Zap o, wext wextê azadîye yo' de rayberîya TJK-E û KCDK-E de şaristanê Strasbourgî yê Fransa de çalakîya roniştişî ke 12ê gulane de amebî destpêkerdene hewteyê çarinî de dewam kena.

Kurdîstanijan ewro seba ke dezgehê Ewropa vera hêrişanê îşxalî yê dewleta tirke yê vera Kurdîstan, tecrîdê serê Rayberê Şarê Kurdî Abdullah Ocalanî  û qerarê Amerîka yê derheqê hîrê kadroyanê serkêşan ê PKKyî bêveng ê çalakîyêke kerde. Rayraşîyayîşo ke verê Konseya Ewropa de dest pêkerd verê Konsolosxaneyê Amerîka de qedîya. Çalakîye de pankartê derheqê azadîya Abdullah Ocalanî û pankarta ke sero ''Temsîlkarê şarê kurdî terorîst nêyî'',  beyraqa PKKyî, fotografê gerîlayanê şehîdan ke sero ''Qicê ma''nuşte bi ameyî kiriştene û bi sloganan xoverdayîşê gerîlayan ame selamkerdene û îşxalkerî ameyî şermezarkerdene.

Verê Konsolosxaneyê Amerîka de firansizkî û kurdkî eşkerayîye ameye dayene. Çalakwanî vera qerarê Amerîka bi slogana  ''Ma kam ê? Ma PKK yê'' qîrayî û wayîrê temsîlkaranê xo vejîyayî Eşkerayîye de ame vatene ke temsîlkarê kurdan ê ke semedê şar û erdê xo şer kenê ê nê dewleta tirke ya ke şarê kurdî qir kena û erdê Kurdîstanî îşxal kena terorîst a. Çalakîye de PKK sey hêzê pawitişî yê meşrû yê şarê kurdî ame namekerdene û ame vengdayene ke wa lîsteyê terorî ra bêro vetene.