Strasbourg: Rayber Apoyî rê azadîye, cade nika!

Bajarê Strasbourgî yê Fransa de xeylêk organîzasyonanê kurdîstan û tirkîyayîjan verê Konseya Ewropa û Komîteya Vergirewtişê Îşkenceyî de ameyî têhet û paştî da hemleya KCKyî. Eşkerayîye de azadîya Ocalanî ameye waştene.

Nobeta Azadîye ke bi serran o semedê azadîya Rayberê Şarê Kurdî Abdullah Ocalanî bajarê Strasbourgî yê Fransa de yene domnayene de eşkerayîyêka muhîme ameye dayene. Semedê kampanyaya 'Tecrîd, îşxal û faşîzmî rê bes o, wext wextê azadîye yo' xeylêk temsîlkarê partî û rêxistinanê komelê sîvîlî, sîyasetmedar û rojnamegerî ameyî têhet. 

Hemseranê KDCK-E Yuksel Koç û Fatoş Karasungurî bale ante muhîmîya rolê Ocalanî ser û veng da ke wa tecrîd cade bêro wedaritene.

Hemsereko verên ê KCDyî Hatîp Dîclê zî vist vîrî ke Ocalan bi îradeyê pîlî xoverdayîşêko biheybet rayra beno û vat: ''Çareserkerdişê mesela kurdî têna bi azadîye Rayber Ocalanî mumkun a.'

Bi nameyê TJK-E zî Songule Çelîk qisey kerd. Çelkîke vat: ''Azadîya Rayberîya ma azadîya ma ya, coka ma sey cinîyê kurdî soz danê ke ma do bi anorî na hemle bikirişê.''

Sereko anorkî yê HDPyî Ertugrul Kurkçuyî ke vist vîrî ke HDP vernîyazê Ocalanî ameya ronayene û vat: ''Ma semedê azadîya hemraya xo tîya de yê.''

Temsîlkarê Goranî ard ziwan ke ê verê Konseya Ewropa de azadîya Abdullah Ocalanî û heme tepişteyanê sîyasîyan wazenê

Rojnameger Ahmet Nesînî vat semedê azadîya Ocalanî gerek faşîzm bêro rijnayene.

Temlîskarê KNKyî Alî Maturî soz da  ke do semedê azadîya Kurdîstan û Ocalanî her wextî ra zafêr têkoşîn bikerê.

Gunay Aslanî veng da Ewropa ke wa wayîrê berpirsîyarîya xo vejîyo û polîtîkaya xo ya dirîye caverdo.

Sereko verên ê Meclîsê Şingalî Hecî Hesenî vist vîrî ke vera çeteyanê DAÎŞî yê vera êzidîyan talebeyanê Ocalanî ê pawitî û vat: '' Gerek Rayber Apoyî rê wayîr bêro vejîyayene.''

Reyna temlîskaranê KKP, PYD, SYKP,ATÎK, PJAK û MLKPyî zî derheqê muhîmîya kampanya de qisey kerd û ard ziwan ke ê do têkoşînî pîlêr bikerê.

Kombîyayîşê çapemenî bi deyîranê TEV-ÇANDî qedîya.