Pê vengdayîşê Komîteya Mîyanneteweyî ya Vera Vînbîyayeyanê Destbendkerdeyan (ÎCAD),  Mayanê Şemeyî Stuttgart de çalakîyêke kerde. Aktîvîstê dezgehanê Yenî Kadin, ADKH, Die Linke-Kreisverband Stuttgart, SKB, AGÎF û Zusammen Kaempfenen zî tewrê çalakîye bîyî.

Çalakîye de pankart û dowîzê kesanê ke dîyayî vînkerdene ameyî berzkerdene. Dima nameyê Mayanê Şemeyî ser o ÎCADî vilawekêko almankî wend. Eşkerayîye de têkoşîn û xoverdayîşê 25 serran ê dayîkanê Kurdîstanî û Tirkîya rê selam ame kerdene.

Eşkerayîye de venga her kesî û dezgehan ame dayene ke wayîrê vînbîyayeyan bivejîyê û mesuldaran ra hesab bipersê. Eşkerayîye de wina ame vatene: ''Wa aqîbetê vînbîyayeyan bêro eşkerakerdene û mesuldarî bêrê hukmkerdene.''

Çalakîye pê sloganê ''Biciwîyo paştdayîşo enternasyonel'' qedîya.