Stuttgart de dewaya kurdan reyna dest pêkerde

Stuttgart de dewaya kurdan mengêk û nême ra dima newe ra dest pêkerde. Dewa de 5 hemwelatîyê kurdî yenê hukmkerdene ke înan ra 2 kesî tepişte yê.

Roniştişo peyêne yê dewaya 5 hemwelatîyanê kurdan Veysel S., Agît K., Ozkan T. û Cîhan A. û Evrîme A. 13ê adare de Zîndanê Stammheimî de amebi kerdene û rîyê prosesê Korona ra mabên amebi dayene mehekeme. 

11 hewteyan ra dima ame waştene ke roniştiş bêro kerdene la avûkatan vera caardişanê ke çarçewa tedbîrane Korona de yenê kerdene, nêrazîbîyayîşê xo mojna. Seba ke mabênê açarnayox û hemwelatanê kurdan de 5 metre estbî meseleya têkilîye qewimîyaye.

Roniştişê 13ê nîsana 2019î de zî hemwelatîyî ameybî dekerdene zereyê qafesê camînî û nêrazîbîyayîşan ra dima mehkeme no caardiş batal kerdbi.

Vizêr zî Ozkan T. û Agît K. ameyî dekerdene zereyê qafesê camînî. Mehkeme ard ziwan ke semedê Korona ra no caardiş esto la avûkatan no qebul nêkerd. Avûkatan ra Oswaldî waşt ke şertê mehkeme bêrê çimeştene. Mehkeme waştişê Oswaldî red kerdî. 

Roniştiş taloqê 15ê hezîrane ame kerdene.