Dima ke Wekîlê Partîya Çepgîre Hakan Svenneligî hêrişê vera HDPyî ardî rojdemê parlamento Wekîla Partîya Demokratan ê Xirîstîyanan Desiree Petrus zî vernîyazêk da parlamento û waşt ke kerdiş û binpaykerdişanê Tirkîya ser o wa bêro qiseykerdene.

Petruse vat ke xeylêk kesî pawena ke hukmatê Swêdî hînî Tirkîya rê teda bikero. Petruse îfade kerd ke deklarasyon de ke par ameyo îmzakerdene, vera binpaykerdişê heqanê merdiman ê Tirkîya tewirêk nêno girewtene. Ganî hînî kerdişê Tirkîya nêrê peygoşkerdene. ''

Petruse vernîyaz de tepişîyayîşê Hemserekanê HDPyî û parlamenteran vist vîrî. Petruse da zaneyene ke ganî hînî zêdêr kerdişê Tirkîya berê rojdemkerdene û ganî hukmatê Swêdî zî tewirê xo bimojno vera hukmatê Tirkîya.

Yeno pawitena ke vernîyaz nêmeyê teşrîna verêne de do bêro ercnaye û nîqaşkerdene.