Paytextê Swêdî Stockholm de enternasyonalîstan pê projektorî Gorno Lundî de sûcê şerî yê dewleta tirke yê ke Kurdîstan de ken, teşhîr kerdî. Çalakîye de figurê Serekkomarê Tirkîya Recep Tayyip Erdoganî yo ke sembolê hemkarîya ci yê bi DAÎŞî yo ame şuxulnayene. Têkoşînê vera faşîzmî zî pê projektorî slogana Jin Jiyan Azadî ameye ramojnayene.

Aktîvstan  pê hashtagê "ma heme sûcanê şima vînenî ", "ma faşîzmê tirkî bieciqnê " û "Jin jiyan azadî " medyaya sanale de eşkerayîye daye û vat rejîmê Erdoganî vera kurdan kampanyaya qirkerdişî daya destpêkerdene. Eşkerayîye de bêvengîya OPCWyî ya vera şuxulnayîşê çekanê kîmyewîyan zî ameye şermezarkerdene.

Eşkerayîye de bale ameye ser antene ke hukmatê Swêdî nê sûcan rê çimê xo girewtî, heta seba ke bikewo çimanê dewleta tirke kurdan teslîmê înan keno û vera endamîya NATOyî çekan roşanê ci û beno hemkarê sûcanê şerî.

Eşkerayîye de semedê tewrbîyayîşê rayraşîyayîşê ke do 21ê kanûne de Stockholm de bêro kerdene ame vengdayene.