Şaristanê Borlangî yê Swêdî de Kurdîstanijî vera hêrişanê îşxalî yê Dewleta Tirkan kom bîyî. Nameyê Merkezê Komelê Demokratîkî yê Kurdan ser o Şefîk Agirî selam da xoverdayoxan. Şefîk Agirî vat: "Ma do vengê kurdan ê xoverdayoxan rayaumûmîya Swêdî reyde pare bikê." Agirî îfade kerd ke ê do welatê înan ra îşxalkeran çin bikê.

Kurdî Awustralya de Vejîyayî Meydanan 

Kurdî şaristananê Melbourne, Sydney, Perth û Adelaîde yê Awustralya de bi rayberîya KNKyî û Merkezê Komelê Demokratîkî yê Kurdan kom bîyî û çalakîyêka şermezarkerdişî ya merkezîye kerde.Kurdîstanijan Parlamentoyê Federal ê Awustralya û Neteweyanê Yewbîyayeyan reyde xebatê dîplomasîyî kerdî. Kurdîstanijan derheqê hêrişanê îşxalan de dosyayêke daye selahîyetdaran û vist vîrî ke Dewleta Tirkan çekanê qedexekerdeyan xebitnena.