Bajaranê St. Gallen û Ticinoyî yê  Swîsre de hêrişê kîmyewîyî ameyî protestokerdene û semedê tewrbîyayîşê kampanyaya maskeyanê gazî ame vengdayene.

St. Gallen de Grûba Paştdayîşê Sûrîye û Kurdsîtanî aktîvîteyêke organîze kerde. Endama Komîteya Rayberdişî ya KNKyî Nilufere Koç û Vervatoxê Înîsîyatîfê Abdullah Ocalanî rê Azadîye û Serekê IPPNWyî yê Swîsre Dr. Peppe Savary sey qiseykerdogan tewrê aktîvîteyî bîyî. Panelo ke moderatîya ci Corrine Riedenere kerde de serê çekanê kîmyewîyanê ke ameyî qedexekerdene de munaqeşeyî ameyî kerdene.

Dr. Peppe Savaryyî şuxulnayîşê çekanê kîmyewîyan sey sûcê şerî name kerd û vat: ''Ma dîmenê ke hetê gerîlayan ra ameyî antene sey kerdî û goreyê şahîdan rapor amade kerd û sere de OPCW heme hetanê eleqedaran rê şawit. Şikê ma yê girdî est ê ke çekê kîmyewîyî ameyî şuxulnayene. Ganî heyetêko xoser şiro herind de cigêrayîş bikero. Wezîrê şerî yê tirkî 21ê sibata 2022yî vat ê gazanê hesran şuxulnenê. Warê şerî de şuxulnayîşê nê gazan sûc o.  Tirkîya de kam ke derheqê na babete de qisey keno yeno cezakerdene. Şebneme Korur Fîncanciya ke camîaya tibê mîyanneteweyîyî de yena naskerdene seba ke waşt wa cigêrayîş bêro kerdene ameye tepiştene.  Nê heme îdîayanê şuxulnayîşê çekanê kîmyewîyan xurtêr kenê.''

Nilufere Koç zî vist vîrî ke reya verêne nîya ke dewlete tirke çekanê kîmyewîyan şuxulnena û qala qirkerdişanê verênanê ke vera kurdan pê çekanê kîmyewîyan ameyî kerdene, kerde.

Badê qiseykerdişan de semedê tewrbîyayîşê kampanyaya maskeyanê gazî ya ke semedê gerîlayan dîyaya destpêkerdene, ame vengdayene.

Reyna bajarê Ticînî de zî bi aktîvîteyêke bale ameye antene serê sûcanê şerî yê dewleta tirke yê vera kurdan ser.