Dima ke kampa multecîyan a Moria Brenntî ya Girawa Lîsmosî ya Yunanîstanî de şewat vejîya sere de Swîsre de xeylêk welatanê Ewropa de bêhîsgerîya vera koçberan ameye protestokerdene.

Bern

Şaristanê Bernî yê Swîsre de bi tewrbîyayîşê SP, Keskan, partîyanê sîyasîyan ê Swîsre yê sey Joso, înîsîyatîfan, rêxistinanê multecîyan, Rêxistina Efûya Mîyanneteweyîye çalakîyêke ameye kerdene. Çalakîye de vera polîtîkayanê multecîyan sloganî ameyî vatene. Çalakîye de Parlamenterê Koçberan ê Tirkîya-Kurdîstanî, Parlamenterê Partîya Sosyalîste (SP) Mustafa Atici û Parlamentera Parlamentoya Neteweyîye ya Keskan Sîbele Arslan qisey kerd.

Zurih

Rayberîya înîsîyatîfanê ciwan û wendekaran de seba paştdayîşê multecîyan çalakîyêke ameye kerdene. Çalakîye Landesmuseum de bi rayraşîyayîşêk dest pêkerd. Çalakîye de ame waştene ke wayîrê 12 hezar multecîyan bêro vejîyayene. 

Luzern

Luzern de hetê Partîya Basta ra seba ke beşêkê multecîyan bêro qebulkerdene çalakîyêke ameye kerdene û kampanyaya îmzayan dîya destpêkerdene. Îmzayî dima do pêşkêşê Parlamentoya Neteweyîye bêrê kerdene.