Swîsre û Almanya de şehîdî ameyî vîrardene

Swîsre û Almanya de semedê yadkerdişê şehîdan aktîvîteyî ameyî organîzekerdene. Vîrardişan de sozê xurtkerdişê têkoşînê şehîdan ame dayene.

Bajarê Heilbronn û Dortmundî yê Almanya û bajarê Bernî yê Swîsre de semedê vîrardişê şehîdan aktîvîteyî ameyî kerdene.

Hilbronn de Merkezê Komelê Demokratîkî yê Kurdan de semedê yadkerdişê gerîlayî Xeyrî Garzan, Sipan Şahîn û Agirî Qandîlî yê ke 15ê nîsane de şehîd bîyî aktîvîteyêke ame kerdene.

Vîrdişê Dortmundî zî hetê  KOMAW, NRW YJK-E û FED-MEDî ra ameye organîzekerdene. Vîrardiş de derheqê Kasim Engîn, Zîne Avesta û Zînarîn Xwîndayî de sînevîzyonî ameyî ramojnayene.

Bern de zî Riza Çelîk (Mordem Rêber)o ke 17ê çeleyê 2015 de Hesekê de şehîd kewt bi aktîvîteyêke ame vîrardene.

Vîrardişan de derheqê keda şehîdan de ame qiseykerdene, şehîdî bi heskerdiş û hurmetî ameyî vîrardene û semedê caardişê waştişê şehîdan mesajê xurtkerdişê têkoşînî ameyî dayene.