Kurdîstanîjî û dostê înan vizêr reyna semedê wedartişê tecrîdê serê Rayberê Şarê Kurdî Abdullah Ocalanî Almanya û Swîsre de meydanan de bî.

Bajarê Zurihî yê Swîsre de atîvîstanê Têgêrayîşê Ciwanan ê Şorişgêran (TCŞ) pê çalakîya bêîteatîya sîvîle bale ante tecrîdî ser. Çalakwanan derheqê tecrîd û hêrişê îşxalî yê dewleta tirke de vilaweke wende.

Bajarê Luzernî yê Swîsre de zî atkvîstanê TCŞyî keştî de îngîlîzkî pankarta ''Biciwîyo Kurdîstan, Ocalanî rê azadîye'' akerde.

Bajarê Freiburgî yê Almanya de zî aktîvîstanê TCŞyî selahîyetdaranê Radio Dreyecklandî reyde derheqê tecrîd û hêrişê îşxalî yê vera Herêmanê Pawitişî yê Medya de pêvînyîşêk kerd. Selahîyetdaran soz da  ê  do derheqê bebete de programêk virazê.