Welatanê Ewropa de vizêr zî çalakîyanê pankartan dewam kerdî. Çarçewa çalakîye de bi waştişê azadîya Rayberê Şarê Kurdî Abdullah Ocalanî afîş û pankartî hetê ciwanan ra ameyî daliqnayene.

Roja 10. ya çalakîye de şaristananê Paris, Bordeaux, Marsilya yê Fransa de hetê Meclîsê Kurdan û ciwananê kurdan ra pird, kuçe, dês û meydanî pê afîş û pankartê Rayberê Şarê Kurdî Abdullah Ocalanî ameyî xemilnayene.

Reyna şaristananê Aarau, Bern û Friborugî yê Swîsre de zî bi waştişê azadîya Rayberê Şarê Kurdî Abdullah Ocalanî û wedaritişê tecrîdî xeylêk cayan de rayberîya cinî û ciwananê kurdan de pankart û afîşî ameyî daliqnayene.