Şaristananê Aarau û Churî yê Swîsre de bi merasîman rojbîyayîşo 74. yê Rayberê Şarê Kurdî Abdullah Ocalanî ame fîrazkerdene.

Aarau de Meclîsê Cinîyan ê Rojbîne Merkezê Komelê Kurdan ê Demokratîkî de merasîmêk viraşt. Hemserekê Meclîsê Mehmet Tunçî, Îdrîs Uzkaşî û Vervatoxa Meclîsê Cinîyan ê Rojbîne Dîlane Çetînkaya merasîm de ard ziwan ke ê do heta ke azadîya Ocalanî bîyarê ca têkoşîn bikerê. Merasîm bi muzîk û şîîran qedîya.

Chur de Meclîsê Şarî şayîyêke serûber kerde. Şayîye de bale ameye antene tecrîdê Îmraliyî ser û wina ame vatene: ''Ma do 2023yî bikerê serra azadîya Rayberîya ma.''

Şaristanê Goteborgî yê Swêdî de zî hem rojbîyayîşê Rayberê Şarê Kurdî hem zî serrgêra 19. ya ronîyayîşê PJAKî ameyî fîrazkerdene. Şayîye de Hemserekê PJAKî Sîyamend Muinîyî  qisey kerd û vat ke ê do bi têkoşînê xo bibê layîqê Abdullah Ocalanî. Şayîye pê muzîkî qedîyaye.