Serkêşîya Koordînasyonê Paştdayîşê bi Jîna Emînî û Komîsyonê Ciwanan ê Merkezê Komelê Demokratîkî yê Kurdan (NCDK) de roja sêşemeyî xeylêk rêxistinanê femînîstan û partîyanê sîyasîyan çalakîyêke kerde.

Çalakîye de tim sloganê 'Jin, Jiyan, Azadî' ame vatene. Partîya Keskan ra Senatorê Federalî David Shoebrigeyî zî şexsê Jîna Emînî de şehîdê şorişê cinîyan yad kerdî û vat: ''Wa Serekwezîrê Avusturalya bêvengîya xo ra fek vera bido.''

Komîteya Amadekarîya ra Brûsl Aeiveri û Vervatoxê Komîsyonê Ciwanan Baran Pazarcikî zî îfade kerd ke ê do têkoşînê Rojhelat û Îranî pê paştdayîşî xurtêr bikerê.

Partîya Karkeran ra Charisma Kaliyan zî vat: ''Jin, jiyan, azadî. Şexsê Jîna de ganî dinya wayîra nê xoverdayîşî vejîya.''

Çalakîye bi sloganan qedîyaye.