Şaristanê Sydneyî yê Awustralya de bi wesîleya serrgêra Qirkerdişê Roboskî şehîdê qirkerdişî ameyî yadkerdene. Yadkerdiş hetê Merkezê Komelê Demokratîkî yê Kurdan (NCDK) ra ame kerdene û Parlamenterê HDPyî yî Ferhat Encu zî bi rayîrê Skype beşdarê yadkerdişî bi.

Encuyî wina vat: "Êyê ke fermanê nê qirkerdişî da nika serekê dewletê yê û heta nika çew nêame hukmkerdene. Ewro zî no zorbazîye û qirkerdiş dewam keno. Keyeyan ra kesêk nêmend ke ci rê dewa nêameye akerdene. La keyeyê Roboskî xo ver danê. Pabeyê edalet û haştîye yê."

Hemserekê NCDKyî Îsmet Taştanî zî vat kiştoxê Roboskî girêdayeyê Erdoganî yê û wina dewam kerd:" Ma do dewaya Roboskî ra fek vera nêdê. Bi caardişê yewîya neteweyîye ma eşkenê hesabê qirkerdişan înan ra bipersê. "