Şaristanê Sydneyî yê Avusturalya de kurdîstanijan û dostanê înan Komployê 9ê Teşrîna Verêne protesto kerd û azadîya Rayberê Şarê Kurdî waşte. Çalakîye de selam ame kerdene 'Roja Azadîya Ocalanî'

Senatorê verênî yê Keskan Lee Rhiannonî çalakîye de vat: ''Ganî her kes seba azadîya Ocalanî xîret bikero. Ez venga hukmatê Avusturalya dana ke na babete de berpirsiyarîya xo bîyaro ca.

Bawermend Bill Crewsî  zî îfade kerd ke ê do seba azadîya Ocalanî dua bikerê. 

Vervatoxa Cinîyan û Demokrasî ya Sudanî Maysoone Elnigoumi zî vat: ''Xîretê Ocalanî yê seba cinîyan ma rê mîsal û moral ê.''

Çalakîye de Avustralyaya Globale û Îtîfaqê Sosyalîstî zî komplo şermezar kerd.

Lobîyê Kurdan ê Avusturalya ra Alişon Bakleyî zî pare kerd ke Ocalan do bibo mîmarê haştîye yê Rojhelatê Mîyanênî.

Çalakîye de domanan seba Ocalanî deyîrî vatî, şîîrî wendî û govend kerd.